Kryetari i PD-së Sali Berisha dhe kreu i PL-së Ilir Meta po zhvillojnë një takim në selinë e Partisë Demokratike.
Takimi vjen disa orë pas arrestimit të kandidatit të opozitës për Bashkinë e Himarës, Fredi Beleri.
Lidhur me rastin foli dhe kryedemokrati Berisha gjatë një konference për mediat mbajtur pak më parë.
Ai tha se Edi Rama po hakmerret ndaj kandidatit të opozitës pasi e ndjen humbjen që e pret më 14 maj. Berisha tha se janë qëllimet mafioze të Ramës, ndaj trojeve të Himarë dhe bregdetit, shtytësi i vërtetë i arrestimit.
Një qëndrim të ngjashëm mbajti edhe Meta, i cili kryeministrin Rama e konsideroi “grabitësin dhe shkatërruesin më të madh për qëllime mafioze të pronave në Himarë dhe gjithë bregdetit të Jugut nga Vlora deri në Ksamil”.
