Edin Dzeko hapi rrugën e fitores për Interin në ndeshjen e parë të Euroderbit kundër Milanit: “U ndjeva më i freskët, ndoshta sepse pushova kundër Romës. Por nuk isha vetëm unë, i gjithë ekipi u ndez, nga ana tjetër, nuk ndodh shpesh që të luajmë një derbi në gjysmëfinale të Ligës së Kampionëve. U përgatitëm mirë dhe ishim të koncentruar deri në minutën e 90-të: kjo na shpërbleu”.
Për boshnjakun jo vetëm gola por edhe shumë punë taktike: “Unë jam i tillë, ndoshta golat nuk vijnë herë pas here dhe flasim vetëm për këtë, por unë jap shumë më tepër se gola. Në fakt, edhe kur nuk shënoj, jam i kënaqur me punën time çfarë bëj për skuadrën, e cila është e rëndësishme në ndeshje si kjo”. Mbyllja me rinovimin, kur arrin? “Pyesni kompaninë (buzëqesh). Varet prej tyre”.
