Minuta e 71-të e sfidës mes Milanit dhe Interit në Ligën e Kampioneve ka sjellë një episod shumë të diskutueshëm i cili ka ndezur rrjetin që në momentet e para.
Në një goditje këndi të Brozoviç, Kruniç dhe Bastoni u përplasen në shtyllën e dytë në një dyluftim të ashpër mes tyre.
Boshnjaku i Milanit bëri një gjë të pamendueshme, duke goditur me grusht në brinjë futbollistin e Interit. Gjyqtari Zhil Manzano bëri shenjë që loja të vazhdonte, pavarësisht protestave të zikaltërve. Edhe VAR-i nuk e ftoi që të rishikonte pamjet dhe incidenti kaloi pa ndëshkim.
Një situatë e cila ka lënë të pakënaqur tifozët e Interit, pasi një goditje e tillë, normalisht meritonte më shumë vëmendje, pasi bëhej fjalë për një karton të kuq të mundshëm që do të ndikonte në mënyrë direkte edhe ndeshjen e kthimit.
