Një trup i dekompozuar është gjetur këtë të mërkurë në kryeqytet, pranë Urës së Tabakëve.
Sipas policisë, dyshohet se viktima është endacak.
“Rreth orës 11:55, afër Urës së Tabakëve, në një grumbull shkurresh, është gjetur i dekompozuar trupi i një shtetasi ende të paidentifikuar, në pamje të parë endacak”, njoftoi policia.
Grupi hetimor po punon për identifikimin e trupit të pajetë dhe për sqarimin e rrethanave të ngjarjes, shtuan të njëjtat burime.
