Sot rikthehet Kupa e Shqipërisë, me dy ndeshjet gjysmëfinale ku Egnatia dhe Vllaznia do të përballen në orën 15:00 dhe Teuta-Tirana në orën 17:00.
Në ndeshjen e parë Egnatia dhe Vllaznia u ndanë në rezultatin 1-1 duke lënë gjithçka të hapur për duelin e sotëm. Rikujtojmë që ekipet u përballën edhe në Superiore, ku rrogozhinasit turpëruan shkodranët në “Loro Boriçi” me rezultatin 4-0.
Dueli tjetër do të jetë mes Teutës dhe Tiranës, ku bardheblutë vijnë më të qetë pas fitores 3-0. Ata do të kërkojnë të ruajnë rezultatin dhe të kapin finalen, ndërsa durrsakët do të kërkojnë të bëjnë mrekullinë.
