Policia e Shtetit ka dalë me njoftim zyrtar lidhur me rastin e dy efektivëve të cilët janë kapur duke pirë birra në lokal gjatë orarit të punës.
Blutë bëjnë me dije se ka nisur hetimi disiplinor për dy inspektorët, me iniciale G. S., dhe K. A, të dy efektivë të Policisë Rrugore, Tiranë.
Njoftimi:
Në lidhje me një foto të publikuar në portale ditën e sotme, në të cilën shfaqen dy punonjës Policie me uniformë, në një lokal, ju sqarojmë se:
Me publikimin e pamjeve, menjëherë ka nisur hetimi disiplinor, për dy punonjësit e Policisë, inspektor G. S., dhe K. A., të dy efektivë të Policisë Rrugore, Tiranë.
Drejtoria Vendore e Policisë Tiranë falënderon mediat dhe qytetarët që denoncojnë rastet e paligjshmërisë dhe i fton sërish ata që të denoncojnë çdo rast paligjshmërie, në numrin 112, duke iu garantuar anonimat të plotë dhe reagim të menjëhershëm e të paanshëm.
