Pas akuzave për përfitime tenderash dhe 20 hektarë tokë bujqësore nga qeveria Rama, ka ardhur reagimi i parë nga vëllai i Klement Balilit, Bashkim Balili.
Në një prononcim për News 24, Balili ka thënë se është i hapur ndaj çdo hetimi. Ai shprehet i indinjuar ndaj akuzave pasi sipas tij, ai nuk ka përfituar tendera në mënyrë të padrejtë.
“Nuk kam ortak, as vëllezërit, as fëmijët. Këto janë të gjitha të miat.
Unë nga Prokuroria për Krime të Rënda karshi akuzës jam i hapur ndaj çdo institucioni, para çdo gjykate, prokurorie… që të ballafaqohet me mua apo të marrë vesh të vërtetën në bazë të dokumentacionit që disponoj.
Jam akuzuar se kam përfituar në mënyrë të padrejtë tendera apo kam lidhur kontrata politikisht siç i quajnë mediat. Nuk është e vërtetë! Shoqëria ime është apolitike.”-ka thënë Bashkim Balili.
