Tragjedia që ndodhi në familjen Malaj nga Selenica e Vlorës, vijon të jetë kryefjala e mediave italiane, ndërsa zhvillime të reja dalin në dritë.
Krimi i rëndë ndodhi disa ditë më parë, ku kryefamiljari Taulant Malaj, masakroi me thikë vajzën e tij 16-vjeçare Xhesika duke e lënë të vdekur në vend, si dhe plagosi me thikë gruan e tij, pasi dyshonte se kjo e fundit e tradhëtonte me komshiun, që gjithashtu e goditi për vdekje.
Sipas rrëfimit të autorit, mbrëmjen e së shtunës kur ishin në krevat, gruaja po fliste me dikë që burri dyshon se ishte fqinji i katit të tretë. Kështu doli nga shtëpia dhe e priti për ta goditur me thikë. Ai ishte i bindur se kishin lidhje prej më shumë se 1 viti. I dyshuari tha se kishte regjistruar edhe disa dreka mes të dyve me celularin e tij, si dhe kishte filmuar vajzën e tij Xhesikën me italianin që pretendon se ishte i dashuri i gruas.
Ndërkohë nusja e vëllait të Taulant Malajt ka hedhur poshtë pretendimet për një tradhëti të mundshme.
“Të vërtetën e dinë vetëm ata të dy (Taulant dhe Tefta Malaj)”, ka deklaruar ajo në një bisedë për emisionin ‘Me zemër të hapur’.
Kunata e autorit tha se Taulanti nuk donte të vriste djalin e tij 6-vjeçar ashtu si u raportuar më herët nga mediat.
“Ajo zonja që u vra ka nënë dhe familje. Pse i hapni këto budallallëqet. Mos kruani në kurriz të të tjerëve. Djali nuk ka dashur që të fshihet dhe nuk është fshehur. Babai nuk ka dashur që të theri djalin. Të voglin e kam unë. Atë e di vetëm ai dhe ajo, të falënderoj shumë. Kaq.”, tha ajo.
