Fitorja përballë Lazio-s u zbeh pas dëmtimit të Rafa Leao-s, me yllin portugez që është në dyshim të fortë për sfidën dyshe përballë Inter në Champions League.
Zgjatja e muskulit në kofshën e djathtë nuk e lejon Leaon dhe stafin e Milanit ta bëjnë gjumin e qetë, por ka qenë vetë sulmuesi që ka qetësuar disi tifozët kuqezi:
“Mos u shqetësoni për dënimin tim, do të rikthehem shpejt. Kam bërë të gjithë kurat dhe kam fjetur. Jam shumë i motivuar për të qenë në fushë çdo ditë, për tu përmirësuar dhe për të arritur objektivat e mi”, u shpreh Leao duke folu më pas për atmosferën që mbizotëron në shtëpinë e Milanit:
“Atmosfera te Milan është më e mira që kam parë ndonjë herë”, theksoi Leao duke bërë në fund dhe një batutë në lidhje me dëshirën e tij në merkato, një afrim që do kishte preferuar për Milanin në verë:
“Mbappe duhet të vijë te Milani, ai tani është një tifoz kuqezi”, u shpreh Leao duke theksuar se idhulli i tij është Cristiano Ronaldo.
