Një 27-vjeçar është arrestuar ditën e sotme nga Policia dhe një tjetër është shpallur në kërkim, pasi janë kapur duke transportuar emigrantë të paligjshëm.
Në pranga ka rënë shtetasi NK, 27-vjeç, ndërsa ëhstë shpallur në kërkim bashkëpuntori i tij A.B, 32-vjeç.
“Gjatë operacionit, në fshatin Lukovë, Himarë, shërbimet e Policisë, bazuar në informacionet e siguruara nga inteligjenca informative se me dy automjete “Range Rover” po transportoheshin emigrantë, janë vënë në ndjekje të tyre. Sapo kanë konstatuar se po ndiqeshin nga Policia, drejtuesit e automjeteve, shtetasit N. K. dhe A. B. janë larguar me shpejtësi, duke mos iu bindur urdhrit të punonjësve të Policisë, për të ndaluar.
Shtetasi N. K. ka tentuar t’i shmanget përgjegjësisë ligjore, duke zbritur nga automjeti emigrantët që po transportonte, por është kapur dhe prangosur nga shërbimet e Policisë. Shtetasi A. B. ka braktisur automjetin me të cilin po transportonte pjesën tjetër të emigrantëve dhe duke përfituar nga terreni i vështirë është larguar me shpejtësi në këmbë, ndërsa vijon puna për kapjen e tij.
Sakaq, 2 automjetet u sekuestruan në cilësinë e provës materiale”,- njofton policia.
Policia bën me dije se hetimet vijojnë për dokumentimin e plotë të kësaj veprimtarie kriminale, identifikimin dhe kapjen e shtetasve të tjerë të përfshirë në të.
