Erion Veliaj si kryebashkiak i Tiranës ka një listë të gjatë premtimesh të pambajtura, të cilat po i riciklon në fushatën elektorale për zgjedhjet lokale të 14 majit.
Ndër më kryesorët është ai për ndërtimin e shkollave, teksa zona si Astiri, Fresku, Liqeni i Thatë dhe Sauku vuajnë mungesën e investimeve pavarësisht 41 milionë eurove të mbledhura në vit nga taksa e përkohshme e infrastrukturës për arsim.
Mungesa e shkollave dhe gjimnazeve në zona të mbipopulluara të kryeqytetit si ato më sipër, ka lënë të hapur një plagë të vjetër në Tiranës, që është mësimi me turne.
Edhe pse prej 7 vitesh, Veliaj reciton të njëjtin varg duke thënë se “do t’i jap fund mësimit me turnee”, sipas opozitës problemi mbetet real dhe shqetësues për prinërit.
Silvi Bardhi, zëdhënësja e fushatës së PD për bashkinë e Tiranës, vuri në dukje se në Tiranë vazhdon ende mësimi me turne në shkolla, ndaj qyteti sot ka nevojë për një kryebashkiak që të zgjidhë problemet e banorëve.
“Nga viti 2016, Erion Veliaj premtonte zgjidhjen e problemit të shkollave me turne. Por, në vitin 2023, sërish në Tiranë ka shkolla ku mësimi bëhet me turne.
Një kryebashkiak që për dy mandate nuk arriti të përmbushë një premtim nuk meriton që të marrë edhe një tjetër mandat. Në 14 maj, qytetarët e Tiranës, me votën e tyre, do t’i thonë “stop”, mashtrimeve të Erion Veliajt.
Votoni për të ardhmen e qytetit, për të ardhmen e fëmijëve tuaj! Tirana ka nevojë për një kryebashkiak që zgjidh problemet e qytetarëve, jo që i shton hallet. E ardhmja e qytetit dhe e fëmijëve në duart tuaja”, tha Silvi Bardhi përkrah një videoje që rrëzon propagandën e Veliajt.
LEXO EDHE:
Astiri dhe Liqeni i Thatë pa shkolla/ Veliaj qesharak: Nuk i ndërtuam dot se nisi lufta në Ukrainë
