Zero argumente dhe asnjë pohim i mbrojtur me shifra, përveçse një arsye që sa qesharak e bën edhe hipokrit.
Këtë metodë zgjodhi Erion Veliaj pët t’iu përgjigjur një pyetje direkte që iu bë sot në emisionin “Review” lidhur me arsyen se përse nuk janë ndërtuar të paktën 6 shkolla në zonat e Astirit, Liqenit të Thatë dhe Saukut.
Këto institucione arsimore janë premtuar prej kryebashkiakut të Tiranës në 2015 dhe 2019, por një vëzhgim i thjeshtë në terren tregon se asnjë nuk është ndërtuar, ashtu siç nuk janë ngriturçerdhet dhe kopshtet që i ka pasur pjesë të programit.
Pavarësisht se bashkia ka arkëtuar 41 milionë euro nga taksa e përkohshme e e infrastrukturës për arsim që Veliaj e ka “vjelur”çdo muaj nga qytetarët e Tiranës, asnjë qindarkë nuk është përkthyer në investime.
Ndërkohë, kryebashkiakiu u mbrojt sot duke thënë se shkollat në këto zona me popullsi të dendur të kryeqytetit dhe kryesisht familje të reja me 2 apo 3 fëmijë, se aryseja kryesore e mos ndërtimit të shkollave lidhet me krizën e krijuar për shkak të luftës në Ukrainë.
“Nuk kemi mundur të mbarojmë lotin e fundit për shkak të kushteve të krijuara nga lufta në Ukrainë. Janë 5 shkolla në Astir-Kashar-Yzberisht, 2 te Liqeni i Thatë dhe 2 në Sauk dhe 1 te Akademia e Policisë”, tha Veliaj, duke pranuar hapur dështimin e tij.
Sakaq, referuar shkollave për të cilat Veliaj mburret në studiot televizive, ekspertët e opozitës kanë konstatuar se 17 prej tyre janë me koncesion, ndërsa me 41 milionë euro të grumbulluara nga taksa e përkohshme e arsimit bashkia e Tiranës duhet të ndërtonte edhe 17 të tjera.
Pjesa tjetër, rreth 10 shkolla janë ndërtuar me fondet e Bashkimit Europian dhe disa prej tyre janë rikonstruksione e jo shkolla të reja të nisura nga themeli.
Gjithashtu nënvizohet se taksa e rritur e ndikimit në infrastrukturë, së bashku me taksën e strehimit shkon në 11% që do të thotë se përçdo njeri që blen një apartament me një mesatare 1 mijë euro (100 m), i duhet të paguajë 11 mijë euro taksë, para të cilat duhet të investohen në ujësjellës kanalizime, rrugë, kopshte, çerdhe, shkolla apo gjimnaze.
Shifrat janë tepër kokëforta dhe tregojnë se të paktën në një zonë si ”Astiri” ku banojnë mbi 70 mijë qytetarë, sipas planeve urbanistike duhet që për çdo 16 mijë banorë të ketë një gjimnaz, dy shkolla 9-vjeçare dhe të paktën 4 kopshte dhe çerdhe.
Në total llogaritë tregojnë se duhej që Bashkia e Tiranës në këtë zonë të kishte ndërtuar 5 gjimnaze, 10 apo 11 shkolla 9-vjeçare dhe 25 deri në 30 kopshte dhe çerdhe, por në realitet ka zero dhe e njëjta situatë paraqitet edhe te Liqeni i Thatë, në Farkë apo zona si Fresku e Sauku.
