Një i ri ka rënë në prangat e policisë së Elbasanit pasi akuzohet se përndoqi një 17-vjeçare.
Uniformat blu bëjnë me dije se bazuar në informacionet e siguruara në rrugë operative, u bë e mundur kapja dhe ndalimi shtetasit me iniciale M. R., 24 vjeç, banues në Elbasan.
“Përndoqi në rrugë, për 1 vit, një 17-vjeçare, pas kallëzimit të saj në Polici, kapet dhe vihet në pranga 24-vjeçari. Specialistët për Hetimin e Krimeve të Komisariatit të Policisë Elbasan, pas kallëzimit të marrë nga një shtetase 17 vjeçe, se shtetasi M. R. e përndiqte në rrugë, në mënyrë të vazhdueshme, prej 1 viti, organizuan punën për lokalizimin dhe kapjen e këtij shtetasi”, njofton policia.
Materialet procedurale i kaluan Prokurorisë, për veprime të mëtejshme.
