Rrashbulli në Durrës është një nga zonat me më pak investime nga bashkia e drejtuar nga Emirjana Sako dhe këtë e ka konstatuar në takimin e sotëm me qytetarët, kandidati i koalicionit “Bashkë Fitojmë” për zgjedhjet e 14 majit, Igli Cara.
Teksa u ndal në Rrashbull, Cara tha se prej 10 vitesh aty mungojnë investimet. Cara nënvizoi se zona është lënë pa rrugë e kanalizime, pavarësisht se qytetarët paguajnë taksa për të marrë shërbime.
Reagimi i Carës:
Në Rrashbull, atje ku prej 10 vitesh mungojnë investimet.
Pa rrugë dhe pa kanalizime, megjithëse këta banorë paguajnë taksa për të marrë shërbime.
Një zonë e lënë krejtësisht në harresë nga Bashkia e Durrësit.
Në 14 Maj bashkë bëjmë ndryshimin!
Qyteti je ti!
