Kryetari i Partisë së Lirisë, Ilir Meta, ka zhvilluar një takim me qytetarët e Pustecit, ku ka prezantuar kandidatin për kryebashkiak të kësaj bashkie, Pandi Janin.
Meta gjatë fjalës së tij tha se në 14 maj koalicioni “Bashkë Fitojmë” do të arrijnë një fitore të padiskutueshme.
Meta shtoi se pushteti i kryeministrit Edi Rama e ka kthyer Pustecin në qendër korrupsioni e nepotizmi.
“Zdravo të gjithëve dhe me një fitore të padiskutueshmë në 14 maj. Kënaqësi e madhe që jam me kryebashkiakun e ardhshëm të Pustecit, Pandi Jani. Është kaq i pastër e qelibar dhe kështu do të jetë edhe në drejtim të këtij Pusteci.
Ai edhe shkollën e ka mbaruar fiks për të drejtuar Bashkinë e Pustecit. Për Agroturizëm në Shkup. T’i japim mundësinë Pandit që ta shndërrojë Pustecin në qendër të agroturizmit. 14 maji është dita të ndahemi me këtë pushtet vendor monist.
Me këtë pushtet që e ka kthyer Bashkinë e Bustecit në një qendër korrupsioni dhe nepotizmi. Këta nga bashki e kanë kthyer në komunë. Në do t’i kthejmë të rinjtë e të rejat. Nëse ka një bashki që unë kam qenë më shumë ka qenë ajo e Pustecit.
Do mbështesim këtë komunitet edhe për të ruajtur identitetin e tij, që nga veshjet, traditat, etj. Do t’i lutemi zotit sikur çdo gjë varet prej tij, ama do të bëjmë çdo përpjekje sikur çdo gjë varet nga ne, edhe për fitoren në 14 maj Në 14 maj të votojmë ndryshimin”, u shpreh Meta.
