Trajneri i Milanit, Stefano Pioli do të marrë një shpërblim të madh nëse arrin ta udhëheqë klubin drejt lavdisë së Ligës së Kampionëve këtë sezon.
57-vjeçari i ka transformuar kuqezinjtë që kur mori drejtimin në tetor 2019, duke i dërguar ata drejt Scudetto-s së tyre të parë, pas më shumë se një dekadë pritje (sezonin e kaluar). Këtë edicion, skuadra është në gjysmëfinale të Champions League, ku do masë forcat me Interin.
Siç theksohet nga La Gazzetta dello Sport, Pioli është i sigurt për shanset e Milanit në Ligën e Kampionëve dhe ka qenë i sigurt te suksesi që kur rinovoi kontratën me klubin në tetor, kur zgjati qëndrimin e tij deri në vitin 2025.
Tekniku italian kërkoi përfshirjen e një bonusi të fitores në Champions League në kontratën e tij, me vlerë rreth 300,000 euro, duke treguar besimin e tij në aftësitë e skuadrës në kompeticionin kryesor europian.
