Deputetja e Partisë Demokratike, Albana Vokshi, ka diskutuar mbylljen e parlamentit në prag të zgjedhjeve lokale të 14 Majit.
E ftuar në emisionin “A Show“, Vokshi u shpreh se parlamenti është mbyllur pas urdhrit arrogant nga Rama dhe të ashtuquajturit opozita zyrtare, për të shmangur denoncimet apo skandalet që po bën kjo qeveri.
Vokshi e cilëson të paarsyeshme mbylljen e seancave parlamentare, pasi sipas saj kjo është një mënyrë që pengon zërin e qytetarëve të dëgjohet.
Vokshi: “Ka shumë javë që nuk bëhen më seanca dhe kjo do të vazhdojë deri me 14 maj. Në mënyrë arrogante kryetarja e kuvendit dhe të gjithë ata që e cilësojnë veten opozitë t’i anullojnë të gjitha seancat në shkelje të rregullores dh kushtetuese. Kjo nuk mund të bëhet sepse nuk janë zgjedhje qendrore.
Kjo ka ardhur nga urdhri i Edi Ramës për të mbyllur zërat e opozitës dhe hapësirat publike për të denoncuar skandalet që po bën kjo qeveri. Nuk ka asnjë arsye që të mos zhvillohet një seancë parlamentare, nuk po përfaqësojmë votuesit dhe të adresojmë problemet e tyre.
Kjo qeveri në mënyrë arrogante shkon deri në mbylljen e parlamentit dhe zëri i qytetarëve nuk do të dëgjohet më. Ka më dhjetra ligje që presin që të diskutohen dhe të miratohen ndërsa ata thonë që nuk ka ligje dhe deputetët nuk vijnë se janë në fushatë kjo është vijim i 10-vjeçarit që Rama ka qeverisur në vend.
Ne jemi para zgjedhjeve lokale, koalicioni i përbërë nga disa parti të opozitës dhe jemi të gjithë së bashku që të arrijmë nj fitore të madhe e kjo ka sjellë një reagim arrogant nga qeveria. Kushdo që kërko një ndryshim ai do të votojë numrin 1 në fletën për këshill bashkiak dhe numrin 5 në fletën e dytë për kandidatët për kryetarë bashkie.”
