Seanca dëgjimore te ‘ligjet’ ku janë thirrur 7 kandidatët për kryeprokuror të përkohshëm nuk është mbledhje komisioni, por monopartiake, që po përzgjedh kreun e një organi të pavarur, në një procedurë haptazi jashtë-Kushtetuese e moniste!
Kështu shprehet deputeti demokrat Gent Strazimiri, i cili është anëtar i këtij komisioni dhe që sot, bashkë me kolegët e tij demokratë dhe ata të LSI-së zgjodhën bojkotin.
Në një status në Facebook, Strazimiri shkruan:
Nuk është mbledhje Komisioni!
Nuk është madje as mbledhje e njëanshme e partive të mazhorancës!
Është një mbledhje monopartiake, që po përzgjedh kreun e një ORGANI TË PAVARUR NGA TË GJITHË, në një proçedurë haptazi jashtë-Kushtetuese e MONISTE!
Reforma në drejtësi:
– Nisi me 140 votat e të gjitha partive në Kuvend!
– Ligjet e organike I miratoi vetëm me 88 votat e partive të qeverisë!
– Emërimet po i bën vetëm me 36 votat e partisë së “Saje Qorrit”!
– Për dhënien e një “drejtësie të drejtë” s’ka më nevoje për vota… e bën VETË AI! I VETËM!
P.S. Bravo “ndërmjetësit”, “negociatorët”, “garantët”!
T’i kesh të gjithë e t’i përzesh të gjithë, me ngulm…. vetëm ju mund ta bënit…
