Shpeshherë është përfolur në media për rastet kur kryetari bashkisë së Tiranës, Erion Veliaj edhe pse ndodhet jashtë Shqipërisë, preferon të dalë në media sikur është duke mbyllur punën e radhës në kryeqytet.
“Motoja” e tij, “Një ditë, një punë”ndoshta e “detyron” të sillet në këtë formë jo plotësisht normale, siç edhe shpesh është gjykuar.
Shumë prej jush mund ta kenë parë që jo më larg se në natën finale të “Kënga Magjike”, ku vetë Veliaj ishtë i pranishëm, aktori Bes Kallaku ja tha drejtpërdrejtë në formë humori dhe ironie Veliajt këtë gjë. Por mesa duket nuk i bën përshtypje dhe vazhdon planet e tij.
Sot ai edhe pse është jashtë vendit shfaqet në kronika televizive duke reklamuar një punë më shumë për kryeqytetin: “Tirana me një autoambulancë dhe sallë të re operative të shërbimit të urgjencës, Veliaj: “Respekt për ata që shërbejnë dhe sakrifikojnë për të tjerët”.
Foto e dërguar në redaksinë tonë na bën me dije se mbrëmë Veliaj ka udhëtuar me Turkish Airlines drejt Stambollit, por nuk dihet nëse është fiks ky destiancioni i tij, pasi mund të jetë nisur edhe më larg. /frekuenca.com
