Kategoria e Parë ka mbyllur javën e saj të 24-të me surprizat që nuk munguan.
Skënderbeu mundi pa probleme Turbinën në transfertë me rezultatin e thellë 0-4, duke u ngjitur zyrtarisht në Superiore.
Dinamo u mposht në transfertë nga Lushnja me rezultatin 2-1, me këtë të fundit që shpreson te mbijetesa. Nga ana tjetër blutë u ngjitën gjithashtu në Superiore, kjo falë gafës së Flamurtarit dhe falë fitores 3-0 në tavolinë që do të marrin javën e ardhshme përballë Tërbunit.
Vlonjatët u mposhtën në shtëpi nga Tomori me rezultatin 0-1 dhe kështu llogaritë tashmë duhet t’i bëjnë në fazën “play-off”.
Fitore të rëndësishme morën dhe Apolonia e Oriku. Fierakët mundën në shtëpi Besëlidhjen me rezultatin 3-1 duke u futur në zonën “play-off”, ndërsa Oriku triumfoi në transfertë me Besën me rezultatin 0-1 dhe kështu vazhdon të shpresojë te mbijetesa.
Sa i përket sfidës Korabi-Burreli u mbyll në barazimin pa gola.
REZULTATET:
Apolonia 3-1 Besëlidhja
Besa 0-1 Oriku
Flamurtari 0-1 Tomori
Korabi 0-0 Burreli
Lushnja 2-1 Dinamo
Turbina 0-4 Skënderbeu
