Mënyra se si po gjendet PD e vulës në këtë fushatë, për politologun Ilir Kalemaj, nuk është mënyra më ë mirë e mundshme.
I ftuar në MCN, Kalemaj analizoi faktin se PD e vulës, me kandidatin për kryetar bashkie, Roland Bejko, kishte një vit e ca kohë për të rikuperuar terrenin politik.
“Ajo që shton në konfuzion dhe është njëra nga dobësitë strukturore të PD, për lehtësi të komunikimit të vulës e cila ka në këtë momente është para vonesat e pajustifikuara në një vit e ca kohë për të rikuperuar dhe për të fituar terren politike në krahasim me zgjedhjet e 6 marsit.
Unë i shoh sot më të dobët se çfarë ishin në 6 mars, ndërkohë që do duhej të ndodhte e kundërta. Në ato zgjedhje, ata kandiduan në të gjashta bashkitë, pra duke marrë atë rezultat duhet të shohin në opozitë bashkë më vulën shumë më komode duke kandiduar me 61 kandidatë pavarësisht rezultatit, sepse e kamë thënë nuk pres rezultat fitues edhe po të kandidonin, por do kishin shanse për të rezistuar si logo, si vulë, si frymë, etj, pra koha nuk u shfrytëzua plotësisht për të dalë”, tha fillimisht Kalemaj.
Sipas Kalemaj, as figurat më të njohura të PD, si Jorida Tabaku e Gaz Bardhi, nuk shihen të jenë aktiv në përkrahje të kandidatit Bejko, çka tregon se nuk ka entuziazëm për fitore në këto zgjedhje.
“Se dyti ajo që është shqetësues, së paku figurat më të rëndësishme të partisë, ato që kanë ngelur aty, nuk po dalin në fushatë. Gaz Bardhi është pothuajse i munguar, mezi doli në prezantim të Bejkos, Jorida Tabaku, mungon tërësisht, po flasim për figurat më të rëndësishme aty.
Basha tha do të jetë aty në fushatë aktive ditë e natë, nuk ishte fare prezantim. Ne shohim tre nga figurat më të njohura aty më të votuara, që mungonin në fushatë nuk janë entuziastë, mungojnë tërësisht ose nuk janë entuziastë fare“, vijoi ai.
Për politologun Kalemaj, PD tjetër ka punuar më shumë në avantazh të kandidimit në 61 bashki, teksa PD e Alibeaj ka shanse inekzistente për të fituar në 14 bashkitë që kandidon.
“Emrat për kandidatë në këshilla bashkiak janë emra të panjohur politikisht, dhe në politikë nuk ka lënie të fushës bosh, se kundërshtari falë aftësisë, eksperiencave, mekanizmave që ka përdorur ka arritur shumë më prezent, qoftë në skenën publike, meditatike, qoftë në atë politike. Dhe për këtë arsye sot që flasim, është shumë herë më e avantazhuar qoftë në kandidimin në 61 bashki, jo vetëm se ka bërë një koalicion.
Në këtë sens ata kanë të gjitha avantazhet për të fituar shumicën e bashkive ndërkohë që ju kandidoni në 14 bashki, dhe shanset për të fituar janë pothuajse inekzistente, pastaj duhet parë përqindja e kandidatëve për bashki.“, perfundoi Kalemaj.
