Një aksident i rëndë që ndodhi mesditën e kësaj të Premte, në afërsi të fshatit Çiflig në Korçë i ka marrë jetën një 15 vjeçari të identifikuar si, Rei Sherifi.
I mituri ka qënë duke udhëtuar së bashku me vëllanë e tij, i cili aktualisht po merr ndihmën mjekësore, ndërsa gjendja e tij shëndetësore raportohet kritike.
Më herët u raportua se të dy vëllezërit ishin plagosur rëndë, por vetëm pak minuta më parë i mituri ka ndërruar jetë në spital si pasojë e plagëve të marra.
Grupi hetimor ndodhet në vendngjarje, për të sqaruar shkaqet dhe rrethanat e ngjarjes së rëndë.
Njoftimi i policisë:
Korçë/Informacion paraprak
Më datë 21.04.2023, rreth orës 12:05, në rrugën “Dishnicë-Çiflig”, shtetasi K. Sh., 21 vjeç, banues në fshatin Pojan, Maliq, duke drejtuar automjetin tip “BMW”, dyshohet se ka humbur kontrollin e drejtimit të automjetit dhe automjeti ka dalë nga rruga.
Për pasojë, janë dëmtuar drejtuesi K. Sh., i cili ndodhet nën kujdesin e mjekëve dhe shtetasi R. Sh.,15 vjeç, pasagjer në automjet, i cili pas mbërritjes në spitalin e Korçës, ka ndërruar jetë.
Grupi hetimor po kryhen veprimet procedurale dhe po punon për të përcaktuar shkaqet e daljes nga rruga
