Kualifikimi në gjysmëfinalen e Ligës së Kampioneve ka sjellë një atmosferë mjaft pzitive në klubin e Milanit.
Përveç kalimit në turin tjetër, tashmë duket se është bindur edhe një nga protagonistët e këtij sezoni.
Olivier Giroud ka rinovuar kontratën me kuqezinjtë për një tjetër sezon. Kontrata aktuale e sulmuesit, skadon në verën e këtij sezoni, megjithatë palët kanë arritur marrëveshjen dhe do të jenë bashkë të paktën deri në verën e vitit 2024.
Mediat italiane bëjnë me dije se me kontratën e re, Giroud do të fitojë rreth 3.5 milionë euro në sezon. Zhiru ishte vendimtar në Champions, duke shënuar golin e kualifikimit ndaj Napolit, teksa ishte edhe goli i pestë i shënuar këtë sezon në Europë.
