Një grup banorësh nga Roskoveci kanë mbërritur paraditen e sotme në Prokurorinë e Posaçme Anti-Korrupsion (SPAK).
Ata kanë paraqitur një kallëzim penal në ngarkim të kryetares së bashkisë, Majlinda Bufi. Banorët akuzojnë Bufin për abuzime me tenderat.
Ata kanë qenë të shoqëruar edhe nga kreu i degës së PD në Roskovec, Emels Xhaxhaj.
“E kemi dorëzuar kallëzimin në SPAK. Një tender është diku te 200 mln të vjetra e një tjetër 24 mln të vjetra. Janë për rikonstruksion rrugësh, shkollash. tani e pamë të arsyeshme që të depozitonim kallëzimin në SPAK. Shpresoj që të merret në konsideratë dhe zonja Bufi të merret si e pandehur dhe të japë llogari se si i ka zbatuar kontratat.”, tha Xhaxhaj në një prononcim për mediat.
