Arsim Thaqi nuk është më trajner i Dritës. Lajmi është dhënë nga klubi i njohur i elitës së Kosovës, me anë të një postimi në rrjetet sociale.
Ka qenë vetë tekniku i njohur që ka dhënë dorëheqjen, vendim ky i marrë pas diskutimeve me drejtuesit.
Thaqi qëndroi në krye të Dritës për 10 ndeshje, ku ekipi mori mesatarisht 1.8 pikë për sfidë. Kujtojmë që skuadra në fjalë renditet në vendin e dytë.
“Arsim Thaqi jep dorëheqje të parevokushme
Trajneri Thaqi e ka ofruar dorëheqjen pas barazimit në ndeshjen e fundit kundër KF Dukagjinit.
I pa kënaqur me rezultatet e deritanishme, trajneri Thaqi sot kërkoi takim me kryesinë e klubit për ofruar dorëheqjen e tij.
Pas shumë diskutimeve kryesia e klubit i ofroi trajnerit mbështetje për vazhdimin e rrugëtimit drejt synimit të klubit por që trajneri ishte i vendosur për këtë vendim dhe kryesia e klubit u detyrua ta respektojë vendimin e trajnerit Arsim Thaqi për të ja pranuar dorëheqjen.
Klubi jonë FC DRITA e falënderon trajnerin Thaqi për bashkëpunimin tejet korrekt dhe profesional duke i dëshiruar shumë suksese në vazhdim të karrierës” – Shkruan klubi.
