Vetëm pak ditë pasi Edi Rama deklaroi në Bruksel se Shqipëria do të hapë negociatat e anëtarësimit në vitin 2018, ka reaguar ambasadorja e Francës në vendin tonë, Christine Vasak.
Nga Korça, ambasadorja franceze tha se “ Është një vlerësim që duhet të bëhet nga të gjithë shtetet anëtare të BE-së. Ne presim shumë raporte. ‘Mos shkoni më shpejt se muzika”, duke kujtuar kështu një shprehje nga vendi i saj.
Sipas saj, Shqipëria është kandidate nga viti 2014, tani ka ardhur momenti të presim vendimin e institucioneve dhe autoriteteve europiane për hapjen e negociatave, por nuk duhet të nxitohemi.
“Kjo analizë do të bëhet duke u bazuar në sistemin e drejtesisë në Shqipëri”- ka thënë ndër të tjera Vasak.
