Një sherr mes një shqiptari dhe një italiani që ka degraduar me përdorimin e armës ka shkaktuar terror tek banorët në Bolzaneto, Genova.
Mediat italiane raportojnë se rreth orës 1:30, dy burrat, të paidentifikuar me emër, kanë nisur që të debatojnë me njëri-tjetrin. Deri më tani raportohet se motivet kanë qenë të dobëta.
Italiani shkoi në shtëpi dhe mori një pistoletë – të cilën nuk dihet nëse e kishte të ligjshme- dhe u kthye duke qëlluar 3 herë ndaj shqiptarit. Më pas, u largua me urgjencë nnga vendi i ngjarjes dhe është në kërkim nga Policia.
I plagosuri mbeti 24-vjeçari shqiptari, i cili ndodhet jashtë rrezikut për jetën.
