Koalicioni opozitar “Bashkë Fitojmë” do të hapë këtë të shtunë zyrtarisht fushatën elektorale për zgjedhjet e 14 Majit.
Hapja e madhe e fushatës do të bëhet në stadiumin “Air Albania”, ku opozita do të nisë rrugëtimin drejt zgjedhjeve lokale me sloganin “Bashkë Fitojmë”.
Në spotin e publikuar nga PD ftohen të gjithë qytetarët të marrin pjesë në ceremoninë e hapjes së fushatës, me atë një retrospektive që tregon rrugëtimin e PD deri këtu.
PD ka bërë publik edhe spotin e çeljes së fushatës, ku përmes mesazheve ftohen qytetarët të marrin pjesë në mitingun e të shtunës.
Koalicioni “Bashkë fitojmë” ka paraqitur kandidatë në 61 bashkitë e vendit, mes të cilëve ka emra të shquara të së djathtës, ndërsa në disa bashki edhe të Partisë së Lirisë.
Mesazhet e spotit të PD:
Ejani të shtunën, 15 prill 2023 ora 12:00 në stadium!
Rikthehemi në ‘Arenë’, aty ku nisi Rithemelimi!
Më të fortë për mbrojtjen e pluralizmit e demokracisë!
Më të hapur me kandidatët e dalë nga vota juaj!
Më të bashkuar të gjithë ata që nuk janë marrë peng nga pushteti!
Ndryshimi në duart e tua!
Bashkë Fitojmë
