Lista e aksidenteve të autobusëve urbanë në Tiranë vijon e shtohet, ndërsa së fundmi, konstatohet se ka frekuenca e tyre është përshpejtuar.
I radhës ka ndodhur këtë të Enjte në rrugën “Siri Kodra”. Siç shihet nga pamjet e publikuara në rrjetet sociale, një autobus “Green Line” është përplasur me një automjet.
Incidenti i sotëm u papari nga dy të tjerë të ndodhur vetëm një ditë më parë. Një prej mjeteve urbane të linjës së Kamzës hipi mbi bordurën ndarëse të karexhatës.
Ndërkohë, një urbani të linjës së ‘Institutit’ i shpërtheu goma teksa në ecje.
Asnjë nga rastet e sipërpërmendura nga u raportua nga policia e Tiranës.
Fillimi i javës po ashtu u hap me një tjetër incident të ndodhur në Lapurakë. Rreth orës 16:50, në rrugën “Dritan Hoxha”, mori flakë në lëvizje e sipër autobusi i linjës së Institutit.
Më i rëndi i javëve të fundit është aksidenti i ndodhur më 27 Shkurt, kur një autobus i linjës së Unazës përplasi disa automjete te zona e njohur si “Shallvaret”, duke shkaktuar një duzinë me të plagosur.
Një mjet i së njëjtës linjës shkaktoi po ashtu dhjetëra të plagosur në Prill 2022, kur një urban po i linjës së unazës përfundoi në Lanë.
Të tjera incidente të tilla janë raportuar po ashtu së fundmi.
Aksidentet e autobusëve urbanë në Tiranë tanimë janë kthyer në një normalitet shqetësues.
Nga ana tjetër, kryebashkiaku i Tiranës, Erion Veliaj i ka justifikuar duke thënë se rritja e numrit të aksidenteve vjen si pasojë e shtimit të mjeteve që qarkullojnë në kryeqytet.
