Një ngjarje e rëndë ka ndodhur mëngjesin e sotëm në katin e pestë në një pallat në Pogradec.
Raportohet se një bombol gazi ka shpërthyer në katin e pestë të një pallati në lagjen nr.5 në qytetin e Pogradecit.
Fatmirësisht nuk raportohet për të plagosur por vetëm dëme materiale. Në momentin e shpërthimit në banesë kanë qenë dy të moshuar të cilët sipas tyre kanë qenë duke konsumuar kafen e mëngjesit teksa bombola ka rrjedhur gaz e më pas ka shpërthyer.
Për pasojë shpërthimi ka shkaktuar dëme të shumta materiale ku dritarja e banesës nga kati i pestë ka fluturuar poshtë në tokë duke rrezikuar jetë njerëzish.
Kjo rrugë është një nga më të populluarat dhe me numrin më të madh të qytetarëve gjatë orëve të mëngjesit. Policia dhe zjarrfikësit në vendngjarje për hetimet përkatëse.
