Drejtori i kabinetit në PD, Akil Kraja u ndal te disa prej kandidatëve të zgjedhjeve të 14 majit, që dyshohet se i kap ligji i Dekriminalizimit.
I ftuar në Faxnews, Kraja tha se kjo është dicka e përsëritur. Ai shtoi se nëse konfirmohet se këta kandidatë i kap ligji, tregon se PS dhe Rama nuk mundet që ti fitojnë zgjedhjet pa angazhimin e strukturave kriminale në fushatë.
Kraja: Është dicka e ripërsëritur, ti japim kohës kohë. Të shpresojmë që në ditët në vijim të mos kemi gjëra të tilla, nëse do të ndodhte do të ishte një konfirmim që PS, Rama nuk mundet dhe nuk dinë që ti fitojnë zgjedhjet pa angazhimin e strukturave kriminale në fushatë. Shteti të mos përfshihet me paratë e korrupsionit dhe drogës.
PS ka 10 vite në pushtet dhe në zgjedhet e 2019, ishin 15 kandidatë me të shkuar kriminale, është pjesë e ADN-së e nje strukture që është e konsoliduar se nëse do të ngrihesh në shkallët e politikbërjes për PS duhet të kesh një kapacitet kirminal për të blerë votuest shqiptar. Kjo është një fatkeqësi kombëtare.
