Saimir Tahiri është një nga politikanët që ka dalluar se asnjehërë nuk përton të mbrojë veten në cdo situatë edhe kur ajo nuk eshtë në favor të tij. Por kur kanë kaluar 36 ditë nga gjetja e dy patentave të tij të lundrimit në makinën Orest Sotës së bashku me 863 mijë euro ajo qe i mungon tablosë është reagimi i Saimir Tahirit. Kjo situate, të paktën në pamje të parë, moralisht nuk e prek, pasi dy patenta mund të harrohen në një makinë nga kushdo. Por kur në atë makine gjenden dhe 863 mijë euro dhe mbi Tahirin janë ngitur akuza për trafik droge dhe korrupsion ngrihen shumë pikëpyetje. Për Prokurorinë e Krimeve të Rënda këto janë dyshime të arsyeshme se paratë janë të Saimir Tahirit, produkt i aktiviteteve kriminale ku ai është i përfshirë në mbështetjen që i ka bërë grupit të “Habilajve”.
Është e cuditshme pse ish-ministri ka zgjedhur këtë mënyrë duke qënë se ai gjithmonë është karakterizuar nga një reagim i shpejtë jovetëm për të mbrojtur veten, por edhe kafshët. Kujtojmë këtu reagimin e tij me një projektligj për dhunën kundër kafshëve pas nje video të shfaqur në portale. Ndërsa për akuzën që e lidh atë më paratë e gjetura ne makinën e Orest Sotës ai nuk ka folur ende. Asnjë prej të dyve nuk ka mohuar njohjen me njëri tjetrin. Saimir Tahiri për herë të fundit, me dëshirë, foli në datën 30 tetor në emisionin “Top Story” të Sokol Ballës në Top Channel. Në një ambjent komod në shtëpinë e tij, ai foli në lidhje me akuzat që e lidhnin me kushërinjtë e tij të largët “Habilajt”. Ish-ministri u kujdes qe ai të shfaqej si njeriu qe po sulmohej nga të gjithë kundërshtarët e tij për shkak të luftës pa kompromis që kishtë bërë ndaj së keqes. Komunikimin e fundit me publikun, por ketë herë pa dëshirë Tahiri e ka po në “Top Channel” në datën 20 nëntor. Atij iu bë pritë në aeroprotin e Rinasit kur u kthye nga Gjermania pasi u largua për dy ditë nga vendi, një largim që hapi mjaft debate duke qënë se ai ishte nje person nën hetim.Në fakt ishte një debat shterpë duke qenë se asgjë ligjore nuk e pengonte të lëvizte jashtë vendit. Ish-ministrit iu kërkua nje koment pikërisht për cështjen e gjetjes se dy patentave të tij në një makinë ku u gjetën dhe afro 1 milion euro. Por përsëri reagimi i Saimir Tahirit mungoi, duke u mjaftuar me fjalinë “se i duhet dhënë fund kësaj estrade”.
Por pas 36 ditësh ndoshta Tahiri përvecse të mbrojë veten dhe të japë një version për gjetjen e dokumetave të tij në nje makinë të mbushur me para i detyrohet edhe qytetarëve për një sqarim, atyre që për tre legjislatura e kanë votuar t’i përfaqësojë në Parlament.
Fol Saimir, fol….
/Media e Re.al/
