Wolverhampton ka mposhtur 1-0 Chelsean në ndeshjen e vlefshme për javën e 30-të të Premier League.
Kështu, Lampard i cili mori drejtimin e “Bluve” vetëm pak ditë më parë, nuk e ka nisur mirë aventurën e tij të dytë me londinezët.
Goli i vetëm i kësaj sfide ka ardhur në minutën e 31-të të pjesës së parë me anë të Matheus Nunes.
Pjesa e dytë nuk ka pasur atë “zjarrin” e duhur ekipi i Chelsea dhe goli i barazimit nuk erdhi.
Një rezultat tepër negativ ky për Chelsea të cilët nuk po munden të ngjiten sipër dhe të tentojnë zonën e Europës. Aktualisht, me këtë rezultat, Chelsea renditet në vendin e 11-të me 39 pikë.
Nga ana tjetër, Tottenham ka arritur të marrë një fitore të mrekullueshme në shtëpi ndaj Brighton. Kjo ishte nga ato sfida që i dhuroi të gjitha në një hark kohor prej 90 minutash.
Të parët që kaluan në avantazh ishin vendasit me anë të Son falë një supergoli të tij në minutën e 10-të të lojës. Barazimi erdhi në pjesën e parë në minutën e 34-të me anë të Dunk.
Pjesa e dytë nisi me ndëshkime në stolin e të dyjave skuadrave, ku Stellini dhe De Zerbi u ndëshkuan me kartonin e kuq. Goli i fitores erdhi në minutën e 79-të me anë të bomberit të skuadrës, Harry Kane.
Me këto tre pikë të fituara në këtë sfidë të vështirë, Tottenham renditet në vendin e pestë me 53, pikë ndërsa Brighton në vendin e shtatë me 46 pikë.
KLASIFIKIMI:
