Një tjetër fabrikë kanabisi është zbuluar nga autoritetet britanike në Plymouth të Anglisë, ndërsa një i ri shqiptar ra në pranga.
I riu, një 21-vjeçar që mendohet se kishte origjinë shqiptare, është duke u mbajtur nga autoritetet e emigracionit.
Policia tha për “The Herald” se oficerët i hoqën të 200 bimët që ishin shpërndarë nëpër dhoma. I riu, identiteti i të cilit nuk dihet, aktualisht po mbahet nga oficerët e emigracionit.
Policia tha se kanabisi ishte mbjellë nëpër 3 dhoma. Bimët ishin rreth 1 metër e gjysmë të larta, ndërsa një prej dhomave përdorej për procesin e tharjes. Oficerët gjetën gjithashtu pajisje që përdoreshin për kultivimin dhe përpunimin e kanabisit.
Policët thanë se kishte prova se të paktën dy burra jetonin në atë provë dhe se kjo ishte konfirmuar nga fqinjët. Oficerët e kishin rrahur zonën prej disa ditësh duke u përpjekut të gjenin se nga vinte era e kanabisit.
Shtëpia në fjalë u konsiderua e dyshimtë pasi kishte shumë shenja që e vunë në alarm Policinë, si dritaret gjithmonë të mbyllura dhe një numër qesesh të vjetra mbeturinash në oborrin e pasmë.
