Nga Basir Çollaku – Në kohën kur nuk kemi pasur ambasador amerikan, shumë shqiptarë kanë bërë burg se kishin ëndërr Amerikën. Tani ka ndërruar globalisht qasja.
Në një intervistë për Zërin e Amerikës, zonja Kim veç turit jo elektoral nëpër rrethe thotë edhe mesazhet e saj. Por ka dhe mesazhe të pathëna të cilat do të ishin të dobishme nëse do të thuheshin.
Mendova se zonja ambasadore edhe mund te thoshte se raporti i DASh thotë të vêrtetën për korrupsionin e Edi Ramës
Dhe po ashtu do te permendte se drejtesia amerikane qe therret ne gjyq presidentin Trump do te hetojë edhe Edi Ramën dhe do të kërkonte SPAK të bënte të njëjtën gjë për aferën Mc Gonigal
Se presidenti Biden e ka prioritet dënimin e korrupsionit të Kryeministrave.
Do të thoshte se Prokurori Federal amerrikan ka te drejtë kur tha në Senat, se kur zyrtarë të një qeverie të huaj blejnë zyrtarë amerikanë, kjo cënon sigurinë kombëtare amerikane. Blerja vjen nga zyrtarë e oborrtarë të Edi Ramës sipas dosjes sê Departamentit të Drejtësisë në SHBA.
Mendova se do të thoshte se ndihet e befasuar nga anemia hetimore e SPAK, ku ajo shkon shpesh për mbështetje, të hetohen veprimet e mosveptimet ndaj Ramës dhe sidomos Erion Veliajt për inceneratorët. Do të citonte edhe raportin e DASh ku thuhet se janë zhdukur mbi 270 milionë euro.
Do na thoshte se privatizimet dhe dhënia e bazave detare, baza të NATO, ku Xhaçka strategjike, presidenti dhe kryeministri janë kujdesur më shumë për tregti e biznese ku Rama nuk është dorëjashtë. Njëlloj dhe për amerikanët bashkë investues me burrin strategjik të ministres, ku Kuvendi nuk zbaton vendimin e Kushtetueses për mandatin e deputetes.
Do të mund të thoshte se Porti i Durrësit ky faraoniku në ndërtim është shitur në letër dhe sërish siguria kombëtare e një parcele të NATO ngjan si e dhënë me qera në askund.
Do të thoshte mbase se liria e medies është e kërcënuar ekstremisht. Kur shtohen tritol, gjoba, mbyllje televizionesh e mediesh sociale, nga Rama dhe Veliaj janë alarm, ashtu si dhe nga BE kanë reaguar.
Mund të thoshte se tani në mbarim të mandatit shoh shumë pak ose aspak të rinj nëpër rrethe, se tre vite më herët, udhëtarë nëpër gomone larguar nga pamundësitë e keqqeverisjes.
Natyrisht si e nominuar nga Presidenca Trump tani diplomate e presidencës Biden, mund të thoshte, se si drejtësia amerikane po përballet me efektin Soros, kurrizkthyer ndaj skandaleve te djalit të presidentit, Hunter Biden dhe agresive ndaj ngjarjeve sureale ndaj ish-presidentit kandidat republikan sërish. Një debat ku dhe zëra të tjerë të fortë republikanë, si De Santis, Jordan, Kruz, e mjaft të tjerë senatorë guvernatorë e kongresmenë, e cilësojnë të frikshme atë çka po ndodh në Amerikë. Prokurorë fitues ga miliona euto te donacioneve direkte dhe indirekte Soros po bëhen pjesë e fasonerisë politike në USA. Në Shqipëri kjo ështe lehtësisht coptuese, me financim fillestar nga fondacioni Soros. Dhe sot rezultati êshtë kaos i kontrolluar në drejtësi. Ky nuk është aspak konspiracion.
Mund të thoshte se raporti eprorëve të saj në DASH flet për trafik droge tej imagjinatës sa vetë Ambasada njoftoi hapjen e zyrës së DEA në Tiranë, duke na binjakëzuar si rast me Kolumbinë, ngaqë qeveria dhe agjencitë janë me covid mafioz.
Këto shqiptarët i dinë, nuk janë sekrete. Po meqë reagon shpesh mirë bën të flasê pak për zullumet majtas. Bën mirë tek sheh qimen në sytë e opozitës, por kujdes traun në sytē e Ramë-Veliajt. . Ambasadorja tha jemi të zgjuar pastaj thoshte kë të votojmë. Nuk besoj se sugjeronte për ata të telendisurit e raportit të DASH.
E megjithatë këto kusure duhet ti zgjidhim ne shqiptarët. Ruajtjen e demokracisë ne vendin tonë duhet ta bëjme ne. Jo ndërkombëtarët. Sidomos ndaj Ramës. Sidomos me çdo kusht e me çdo çmim. Amerika qëndron aleati ynë më i rëndësishëm në planet.. Ambasadorët ndërrohen. Qeveritë gjithashtu…
