Një 70 vjeçar ka humbur jetën ditën e sotme, si pasojë e një arresti kardiak.
Ngjarja ka ndodhur mesditën e sotme, ku mësohet se i moshuari pas hedhjes me parashutë, ka pësuar arrest kardiak e për pasojë ka rënë në vendin e quajtur “Përroi i Palasës”, ku ka humbur jetën.
“Sot, rreth orës 15:00, shtetasi çek P. S., rreth 70 vjeç, pas hedhjes me parashutë, dyshohet se ka humbur kontrollin mbi parashutën, për shkak të arrestit kardiak, dhe ka rënë në vendin e quajtur “Përroi i Palasës”, ku si pasojë ka humbur jetën”,- njofton policia.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
