Një sherr me thika ka ndodhur pak minuta më parë në një lokal në Laprakë.
Mësohet se tre persona janë plagosur me thikë, pas një sherri banal.
Blutë bëjnë me dije se të plagosurit ndodhen në spital nën kujdesin e mjekëve, ndërsa po punohet për lokalizimin dhe kapjen e autorit.
“Më datë 04.03.2023, në Laprakë, në një lokal, shtetasi E. Gj., 40 vjeç, dyshohet se ka goditur me mjet prerës shtetasit V. Rr., 64 vjeç, R. Rr., 40 vjeç dhe shtetasin M. M., 47 vjeç. Si pasojë 3 shtetasit janë dëmtuar dhe ndodhen në spital, nën kujdesin e mjekëve.
Shërbimet e Policisë po kontrollojnë në zonë për kapjen e autorit”,- njofton policia.
Grupi hetimor po punon për sqarimin e rrethanave të ngjarjes.
