U mbyll sot java e 21-të e Kategorisë së Parë të futbollit në vend.
Ndeshja e fundit ishte ajo mes Dinamos dhe Korabit e cila u mbyll me fitoren e bluve 1-0.
Të tre skuadrat e kreut morën fitore këtë javë. Përveç Dinamos, fitoi dhe Flamurtari dje ndaj Orikut dhe Skëndërbeu ndaj Apollonisë.
Vendin e parë e ruajnë korçarët me 41 pikë, 1 më shumë se Dinamo në vend të dytë dhe 3 më shumë se vlonjatët të renditur të tretët.
Korabi,Tomori dhe Besa e Kavajës tashmë janë shum larg hapit të tre skuadrave të para pasi të treja ata u mundën këtë javë.
Apolonia megjithëse u mund në Korçë mbetet e shtata me 28 pikë, ndërsa me dy pikë më pak në vendin e tetë është Luzi, të cilët këtë javë u kthyen te fitorja.
Poshtë mesit të renditjes luhet një betejë e ashpër për mbijetesën. Më të rrezikuara janë Besëlidhja, Turbina dhe Oriku.
Lezhjanët kanë shumë javë që nuk fitojnë dhe janë të fundit me 17 pikë.
Lushnja gjithashtu është e rrezikuar por fitorja e kësaj jave i jep një dritë shprese ekipit.
Burreli dhe Tërbuni janë disi më lart megjithatë 1 pikë i ndan nga zona e ftohtë.
