Futbollisti argjentinas Lionel Messi është pranë rikthimit në Barcelonë këtë verë. Gazetari më i famshëm sportiv Fabrizio Romano lë të kuptohet se gjërat po shkojnë në atë drejtim dhe se gjithçka mund të zgjidhet shumë shpejt.
Dhe zv.presidenti i klubit spanjoll, Rafa Yuste, foli publikisht për herë të parë për rikthimin e mundshëm të Leos dhe pranoi se tashmë ishin vendosur kontakte.
“Ne jemi në kontakt me përfaqësuesit e Messit. Leo e di shumë mirë se sa e vlerësojmë dhe ne do të dëshironim që ai të kthehej në Barcelonë. Dy vjet më parë isha pjesë e negociatave për rinovimin e kontratës dhe e di se sa e vështirë ishte ta lija të largohej. E di me siguri që ai e do Barcelonën dhe ne do të përpiqemi të gjejmë kushtet e duhura për vazhdimin e historisë së tij”, tha Yuste.
https://twitter.com/FabrizioRomano/status/1641749572367048704
Sipas Romano, argjentinasi ka në tavolinë një ofertë nga klubi i tij aktual PSG, por ende nuk ka marrë një vendim përfundimtar për këtë.
Supozohet se arsyeja është pikërisht Barcelona, klubi ku u rrit Messi, duke filluar nga kategoritë më të reja dhe duke debutuar në vitin 2004.
"I would love for him to return. We're in contact."
Barcelona vice president Rafael Yuste says the club are “in contact” with Lionel Messi’s camp over a potential return. #FCB pic.twitter.com/OMjSEwqip2
— The Athletic | Football (@TheAthleticFC) March 31, 2023
Kujtojmë se Messi u transferua te PSG dy vite më parë për shkak të situatës së vështirë financiare dhe problemeve, me të cilat nuk arriti të realizonte objektivin e tij dhe të fitonte Champions League.
