Policia ka arrestuar, Gentjan Qosjen, 31-vjeçarin i cili ishte shoferi i autobusit të Krrabës, që pësoi aksident dy ditë më parë në kryeqytet.
Në dëshminë e tij, 30-vjeçari është shprehur se ishte me argjërim e se kishte debulesë në momentet që ndodhi aksidenti, por policia dyshon se ai ka shkelur rregullat e qarkullimit rrugor.
Njoftimi i policisë:
G.Q., 31 vjeç, banues në Tiranë, për veprën penale “Shkelja e rregullave të qarkullimit rrugor”, pasi duke drejtuar autobusin e linjës së Krrabës, në Rrugën e Elbasanit, ka humbur kontrollin mbi drejtimin e autobusit. Për pasojë autobusi është përplasur me një automjet të parkuar dhe më pas është përmbysur. Nga aksidenti kanë mbetur të dëmtuar drejtuesi i autobusit dhe 5 pasagjerë, të cilët ndodhen jashtë rrezikut për jetën.
Gentjan Qosja ka deklaruar se nuk ka arritur të mbajë kontrollin e autobusit teksa po udhëtonte në rrugën e pjerrët, pak pasi kaloi Pallatin e brigadave.
