Një aksident ka ndodhur mëngjesin e kësaj të shtune në kryeqytet. Policia bën me dije se një automjet ka përplasur një 63-vjeçar dhe nipin e tij të mitur 5-vjeç.
Nga informacionet paraprake raportohet se personat e lënduar janë transportuar në spital, ku po marrin kujdesin e nevojshëm mjekësor.
Policia dhe grupi hetimor ndodhen në vendngjarje dhe po punojnë për zbardhjen e shkaqeve të aksidentit.
“E. H., 32 vjeç, banues në Tiranë, duke drejtuar automjetin ka aksidentuar shtetasin P. M., 63 vjeç, dhe nipin e tij të mitur 5 vjeç, të cilët si pasojë janë dëmtuar dhe ndodhen në spital, nën kujdesin e mjekëve”, njofton policia.
Drejtuesi i mjetit u arrestua.
