Policia greke ka arrestuar ditën e sotme një shqiptar pasi akuzohet se ishte autor i 4 grabitjeve të bizneseve.
Mediat e huaja bëjnë me dije se i riu shqiptar, identiteti i të cilit ende nuk bëhet me dije, ka grabitur katër dyqane brenda një muaji në Kalamaria të Greqisë duke vjedhur në total 1320 euro.
Gjatë muajit shkurt, 27-vjeçari nga Shqipëria ka hyrë në dy farmaci, një sallon lojërash fati dhe një kompani dërgesash postare, ku me anë të një thike që posedonte ka kërcënuar personat brenda këtyre ambienteve duke marrë në total 1320 euro.
I riu është arrestuar pas hetimeve të kryera nga autoritetet përkatëse të zonës së Kalamarisë, ndërsa pas një kontrolli të kryer në banesën e tij janë gjetur dhe konfiskuar thika me të cilën kryente grabitjet dhe rrobat që përdorte.
