Gazetari Klodian Tomorri thotë se Mirel Mërtiri, njëri prej administratorëve të inceneratorëve, është personi kyç në hetimin e kësaj afere, sepse ai është personi që ka marrë paratë nga buxheti i shtetit dhe që i ka shpërndarë ato.
Tomorri tha në studion e emisionit “Të Paekspozuarit” se fakti që ai dhe Klodian Zoto u lanë të arratiseshin, tregon që ky është një hetim i sabotuar, sepse ata do të tregonin paratë dhe gjithçka që po ndodh me hetimin e inceneratorëve, është se po bëhet çmos që të mos shkohet ta paratë.
“Unë mendoj që Klodian Mërtiri, apo Mirel Mërtiri, është personi kyç në këtë hetim, sepse ai është njeriu që ka shpërndarë paratë. Te ai kanë shkuar paratë fillimisht dhe ai i ka shpërndarë. Ai e di kush i merr paratë.
Fakti që Mirel Mërtiri dhe Klodian Zoto u lanë të arratiseshin, është sinjali i parë që ky është një hetim i sabotuar, sepse ata do të tregonin paratë dhe gjithçka që po ndodh me hetimin e inceneratorëve, është se po bëhet çmos që të mos shkohet ta paratë. Dhe ne tani merremi me procedurën se kush ka firmosur këtu, kush ka firmosur atje.
Në finale, ajo që ka më shumë rëndësi për qytetarët është të rikuperohen ato para që ju janë vjedhur dhe të ndalohet kjo që po ju vidhet çdo ditë.
Tani po ndodh ndonjë nga këto, ndërkohë që hetim vazhdon prej vitit 2019?
Deri para një viti, Mirel Mërtiri dhe Klodian Zoto lëviznin nëpër Tiranë”-tha Tomorri.
