Një aksident me pasojë plagosjen e një të moshuari ka ndodhur ditën e sotme në Bulqizë.
Mësohet se ngjarja ka ndodhur në njësinë administrative Shupenzë, ku “shtetasi me iniciale, S.C ka humbur kontrollin mbi automjet tip “Golf” dhe ka përplasur një këmbësor, duke e plagosur lehtë”.
Mësohet se i moshuari Avni Manjani është përplasur nga makina që drejtohej nga Sokol Cami, teksa po kalonte rrugën që lidh Shupenzën me Bulqizën.
73-vjeçari është përplasur nga makina tip “Golf”, që po udhëtonte në drejtim të Maqellarës.
I moshuari u dërgua me urgjencë drejt spitalit ku po merr ndihmë mjekësore. Siç shihet edhe në pamjet e siguruara nga vendngjarja, xhami i përparmë i makinës është bërë gropë nga forca e goditjes.
Shkak i aksidentit dyshohet se është shpejtësia, por dhe kalimi i rrugës në mënyrë të gabuar nga ana e këmbësorit.
