Eranda Selmanaj (Mulla) është larguar nga drejtimi i AZHBR-së!
Mësohet se drejtoresha që u vetëemërua dhe nuk priti as vendimin e kryeministrit Edi Rama për të marrë këtë post, është zëvendësuar nga Oltjon Muzhaka, një njeri me përvojë në bashkëpunimet me Bashkimin Evropian.
Mësohet gjithashtu se Selmanaj është vënë nën hetim nga Prokuroria e Posaçme Kundër Korrupsionit dhe Krimit të Organizuar (SPAK).
Selmanaj nisi të firmoste si drejtoresha e AZHBR-së, ende pa dalë vendimi i Këshillit të Ministrave për emërimin e saj, në vitin 2021.
Eranda Selmanaj ka punuar në AZHBR që prej vitit 2010, fillimisht si inspektore në Departamentin e Auditit të Brendshëm, më vonë Përgjegjëse e Sektorit dhe prej vitit 2019 ka qenë Drejtore e Drejtorisë së Autorizimit të Pagesave./Dosja.al
