Ervin Resuli, eksperti i bujqësisë ka qenë i ftuar në FaxNews për të folur për aplikimet që kanë të bëjnë me aplikimet për subvencionet në bujqësi. Kërkesat e tyre vetëm ditën e sotme kanë qenë mbi 13 mijë. Resuli shprehet se kjo është e pritshme dhe se fermerët nuk kanë faj, pasi mënyra si bëhet aplikimi është ende e paformalizuar në mënyrën më optimale që mund të bëhet, pasi ende ka fermerë që nuk dinë të përdorin kompjuterin dhe kësisoj nuk mund të bëjnë aplikime online.
Një nga arsyet e tjera është dhe pamjaftueshmëria e buxhetit të cilët i bënë fermerët të dynden pasi mendojnë se paratë kanë për të mbaruar shton Resuli. Eksperti bën krahasim me rajonin, ku mënyra e skemës së mbështetjes është e vazhdueshme dhe formale, ndryshe në Shqipëri, që përveç buxhetit disa herë më të vogël, nuk ka një formalizim të skemës që paartë të ktheheshin sërish në qeveri. Për 28.8 milion eruo që do jepen këtë vit si mbështetje, Resuli shprehet se kjo është vetëm një lëmoshë pasi nuk është e mjaftueshme për t’u shpërndarë në atë mënyrë që të përfitojnë të gjithë.
Gazetarja: Si e patë këtë nismë të Ministrisë së Bujqësisë?
Ervin Resuli: Është një nismë e përvitshme, një avaz i vjetër në të cilin vazhdon në kuadrin e aplikimeve dhe dundjeve që fermerët kanë sa i përket skemës kombëtare. Është një dyndje e justifikuar, mos të harrojmë që fondet në vite për mbështetjen e tyre nuk është e mjaftueshme, prandaj ata detyrohen të dynden, nga viti në vit nuk kemi një zgjidhje, për mënyrën e aplikimit, për ata që nuk mund ta përdorin anën teknike të kompjuterit, megjithëse kërkesat dhe kushtet i plotësojnë, skualifikohen.
Gazetarja: Pra, ju nuk shihni ndonjë përmisim krahasuar me vitet e kaluara?
Ervin Resuli: Ndryshimi do të ishte i qartë nëse nevoja për vitin që mbyllën ishin 48 milion euro në total, këtë vit 28.8 milion euro. Një fond më pak për fermerët, prandaj dhe dynden, duke marrë në konsideratë vitet e fundit vetëm 50% e aplikantëve janë përfitues, gjysma tjetër nuk përfiton.
Gazetarja: Çfarë duhet të ndryshonte, përtej shumës së dhënë nga Ministria e Bujqësisë, si do duhet të menaxhohet kjo situatë?
Ervin Resuli: Ne kemi shembullin e rajonit, të cilin nuk hasim një situatë të kësaj natyre për të vetmen arsye se fermerët nuk bien në një garë të detyruar. Dua të them me këtë që fondet ajnë të mjaftueshme për të gjithë ata që aplikojnë brenda afatit të përcaktuar, 1 muaj është periudha, të gjithë ata që plotësojnë kërkesat që ka udhëzimi bëhen fitues. Edhe në rastet, kur ndonjë vit buxheti i shtetit nuk i përballon dot fluksin e kërkesavë kalojnë për vitin pasardhës. Në Shqipëri është e kundërta, ata nuk përfitojnë fonde, pasi janë shumë pak në dispozicion. Skema ka në thelb mbështetjen e fermerëve dhe përmisimin e gjendjes ekonomike, rritjen e standardeve. Duke qenë fonde të cunguara, një lëmoshë, fermerët gjenden në këtë situatë. Ne jemi në një lloj gare që fermerët përpiqen të aplikojnë të parët.
Gazetarja: Ju parashikoni, se nuk do të ketë ndonjë ndryshim, ndonjë përmisim bujqësinë e vendit, duke marrë në konsideratë problematikat që pasqyrohen çdo ditë nga ana e fermerëve?
Ervin Resuli: Përjashto sektorin e primeve të serave, që ne për arsye të pozicionit gjeografik, për arsye se pjesën më të madhe të eksporteve i bëjmë në lindje, jemi të favorizuar prej motit. Sa i përket sektorit të blegtorisë Shqipëria nuk pritet të ketë ndonjë ndryshim rrënjësor, për të vetmen arsye sepse skema është e dedikuar për lëmoshë, një skemë që nuk nxit investimet. Rajoni u bë në vitin e shtatë që mbështet me skema të pandryshuara dhe pa limit, sa i përket madhësisë së fermës dhe parave në dispozicion për fermerët dhe blegtorët. Dua të sjellë diçka në konsideratë, se paratë që jepen për fermerët nxisin një sektor 75% informal dhe bën që deri në fund të 2023, nëse këto para do ishin vënë në dispozicion sipas nevojave të fermerëve do ktheheshin përsëri në buxhetin e shtetit. Këto skema nuk e formalizojnë sektorin, as nuk e nxisin për të dalë nga kriza ose të zmadhohet.
