Kategoria e Parë ka mbyllur ditën e sotme javën e saj të 20-të.
Në orën 14:00, Apolonia priti në Fier skuadrën e Orikut, takim që u mbyll 1-0 në favor të vendasve. Sfidën e vendosi një gol i Stefano Omerit në minutën e 75’.
Ndërkohë në orën 17:00 u zhvillua edhe sfida përmbyllëse e kësaj jave mes Flamurtarit dhe Dinamos.
Kryeqytetasit triumfuan me rezultatin 1-0 në një ndeshje të karakterizuar nga tensioni dhe polemikat.
Pas kësaj jave, renditja në Kategorinë e Parë ka pësuar ndryshime. Skënderbeu mbetet në vendin e parë, me 38 pikë.
Ndjek Dinamo e vendit të dytë me 37 pikë, që kaloi Flamurtarin, me vlonjatët që mbajnë vendin e tretë me 35 pikë.
Vendi i katërt i takon Korabit me 32 pikë, ndërsa ndjekin Tomori me 30 pikë, Besa dhe Apolonia me nga 28 pikë.
Lushnja mban vendin e 11-të me 22 pikë, ndërsa mbyllet renditja nga Oriku me 21 pikë, Turbina me 19 pikë dhe Besëlidhja me 16 pikë.
