Spiro Kardhami, i cili rezulton të jetë pronar i 3 prej 4 gomoneve, i akuzuar si organizator i trafikut të drogës me gomone nga Shqipëria sipas mediave greke rezulton të jetë marrë peng edhe para 6 vitesh.
Media greke “To Vima” shkruan se 63-vjecari më parë ka qenë pronar i një restoranti italian në Korfuz ndërkohë që prezantohej si pronar i një kompanie pajisjesh elektronike. Ai pretendon se i është bërë presion nga trafikantet shqiptarë.
Para 6 vitesh ai rezulton të jetë marrë peng bashkë me një miken e tij ukrainase në Notia Proastia, Athinë. Pengmarrësit, rusë, e çuan atëherë në një zonë të shkretë dhe i kërkuan 500.000 euro. Pavarësisht se është pronar restorantesh, rezulton se babai i dy fëmijëve me familjen të cilët janë me banim në Itali, merret akoma me tregëti elektroshtepiakesh.
Po ashtu “To Vima” shkruan se ai ka marrë dy avokatë të njohura në Greqi që janë Fransisko Raguzi dhe Katerina Stavrou. Ata pretendojnë se “klienti i tyre i kishte skafet për t’i dhënë me qira tek turistet.
Gjithashtu po hetohet ndërkohe lidhja e këtij grupi me raste të tjera të trafikimit të drogës si dhe lidhja e tyre e mundshme me policë të rojës bregdetare për të përfituar informacione lidhur me kontrollet e kolegëve të tyre. Po hetohet gjithashtu përfshirja e mëparshme e një prej të arrestuarve në çështje falsifikimi dhe shmangie nga pagesa e taksave.
