Efektivi i RENEA-s Altin Morina, është lënë në burg nga gjykata, pasi u kap me një shumë të madhe parash në makinë.
Burimet bëjnë me dije se Morina, ka rrëfyer se paratë i ka marrë nga një biznesmen 30 minuta para arrestimit dhe se nuk vijnë nga një aktivitet kriminal.
“Jam i gatshëm të bashkëpunoj me drejtësinë. Lekët i kisha për arsye personale”, ka deklaruara ai.
Kujtojmë se 43-vjeçari, me detyrë Shef i Repartit të Stërvitjes tek Forcat RENEA, u prangos në zonën e Komunës së Parisit, teksa lëvizte me një automjeti luksoz, ku edhe iu gjet shumë prej 113 mijë eurosh.
Shuma e konsiderueshme u gjet poshtë sediljes së parë e mbështjellë me një qese plastmasi.
Akuzat e ngritura ndaj tij nga Prokuroria fillimisht ishin “Shpërdorim Detyre”, “Pastrim parash” dhe “Fshehje të ardhurash”, ndërkohë ditën e djeshme prokuroria ka kërkuar masën e sigurisë vetëm për akuzën “Pastrim Parash”.
