Përfaqësues ligjor i grupimit të drejtuar nga Sali Berisha, Ledio Nuraj, ka reaguar pas vendimit të KAS që pranoi ankimimin e Enkelejd Alibeajt për regjistrimin e PD-së në zgjedhjet e 14 majit.
Në një dalje për mediat, ai tha se vendimi i KAS ishte në paligjshmëri të plotë ndërsa nënvizoi se vendimin do e ankimojnë.
“Vendimi i KAS është në paligjshmëri të plot, këtu vazhdon skenari i thurur që po vazhdon prej një viti kundër PD. Sot KAS mori një vendim që Gjykata nuk guxoi që prej një viti e gjysmë ta ndërmerrte. Sot KAS i dhuroi Alibeajt atë që nuk kishte kërkuar as vetë ai. Kjo është një maskaradë. Janë shkelur të gjithë dispozitat. Do ta ankimojmë”– tha ai.
